หน้า 1 จากทั้งหมด 1

ค่าวล้านนา

โพสต์เมื่อ: จันทร์ 01 ก.ค. 2013 8:26 pm
โดย น้ำฟ้า
042.jpg
042.jpg (84.3 KiB) เปิดดู 9623 ครั้ง


ลมเจยสะท้อน อวายฮ้อนอ่อนหาย ฝนตกดินลาย เป๋นสายเป๋นสร้อย
น้ำย้อยสายฝน เวหนหม่นถ้อย มืดหับลับลอย เขตฟ้า
เย็นลมวอยวอย ฝนอ่อยช้าช้า ง่อมแต้ตั๋วข้า คนดอย
เจ้าอยู่สูงนัก ยากจักสิ๊สอย แม่สีคำมอย สูงลอยสุดเอื้อม
(ก้องเกียรติ มหาอินทร์)

คึดเทิงสาวจี๋ แม่ศรีคำเหลื้อม ห่วงหาอาวรณ์ น้องรัก
ฝนตกสนๆ มืดมนหม่นนัก ใคร่พักร่วมผ้า พิงนาง
เยือกเย็นซ้อยล้อย ฝนย้อยเมืองฝาง พี่หนาวนอนคราง สันป่าตองเส้า
จักไปหานาง คำฝางน้องเหน้า กลัวผีตามอย แว่ทัก
(มาลา คำจันทร์)

ฝนตกฟ้าฮ้อง ท้วมนองต้นฮัก บ่พักผ่อนได้ ใจ๋วาง
น้อยใจแต้เล้า น้องเจ้ามาหมาง เอาคมแก้วปาง บาดใจ๋ม่อนข้า
ไปอยู่กับไผ อ้ายใคร่หันหน้า ทุกข์เวตนา ฮักน้อง
ละอ้ายไปไกล๋ ไผมาเกี่ยวก๊อง มาลักคู่ถ้อง หนีตาง
ปิ๊กมาเต๊อะเล้า สาวเจ้าคำฝาง จะผ่อน้องนาง ดีเหลือไอ่ฮั้น
(ก้องเกียรติ มหาอินทร์)

Re: ค่าวล้านนา

โพสต์เมื่อ: เสาร์ 06 ก.ค. 2013 5:56 pm
โดย น้ำฟ้า
อันนี้แต่งเดียว บ่ได้ถ้องกับ ๒ ท่านตางบนเน้อเจ้า

1013678_615458391805996_467792501_n.jpg
1013678_615458391805996_467792501_n.jpg (99.86 KiB) เปิดดู 9580 ครั้ง


งามหน้างามต๋า เสื้อผ้าสวมใส่ งามบ่เต้าใด ก่อหมอง
งามน้ำใจหนอ งามบ่มีสอง เหมือนมีเนื้อทอง ซ่อนไว้
งามกิริยา งามจิตงามใจ๋ งามยิ่งสิ่งใด โลกนี้
งามใดบ่เปียง สุดเสี้ยงวิถี งามคุณความดี เป๋นศรีโลกา

(น้ำฟ้า)

Re: ค่าวล้านนา

โพสต์เมื่อ: เสาร์ 06 ก.ค. 2013 7:52 pm
โดย น้ำฟ้า
งามแม่ยิงนี้ สมัยนี้หนา เปิ้นหวังเงินตรา เพียบพ้อม
เฮามันบ่าดี บ่ามีก่อยอม ได้แต่อกตร๋อม ตุ๊กไจ๋
เงินมีจ๊าดนัก แล้วบ่าเกยไจ้ เอาไปย่ะได จ๊าดนี้
ไค่บอกฮื้อเปี้อน บ่าเสี้ยงเต้าอี้ กำเปื้อนนั้นมี มากหลาย
ผมบ่าได่ทำ ฮื้อมีความหมาย สุดท้าย ก่อมีเต้าอี้

(Aphichet Nui)

Re: ค่าวล้านนา

โพสต์เมื่อ: เสาร์ 06 ก.ค. 2013 7:53 pm
โดย น้ำฟ้า
คนงามเหลือนี้ บ่มีที่ไหน ย่างตี๋นเตวไป เหมือนลวงเล่นฟ้า
บ่ว่าตังหลัง บ่ว่าตังหน้า เหมือนญ่าญ่า ขี่รถ
เสียตี้อี่นาย มาแป๋งแอวกด ผ่อหยังมด ลิ้นตอง
งามหยังอี้ บ่มี๋ที่สอง เสาะหาเงินทอง เพื่อน้องเต้าอั้น

…..อ้ายอิ๊ดบ่าเฮ้ย…..
(Kongkiat Maha-in)