ฝึกเขียนค่าว (บทกวีล้านนา)..โดย น้ำฟ้า

บทกวี โคลง กลอน ต่างๆ

Re: ค่าว (บทกวีล้านนา)..โดย น้ำฟ้า

โพสต์โดย Namfar » อาทิตย์ 19 ม.ค. 2014 4:34 pm

index.jpg
index.jpg (195.96 KiB) เปิดดู 18418 ครั้ง


ลมหนาวสะท้อน สีออนป่าหนา ไปอยู่ไหนกา ปิ๊กมาเต๊อะเจ้า
ตั๋วข้าบ่สม ใคร่ห่มใคร่เฝ้า อ้ายคนบ่เลา น้องละ
แม้นข้าวเต๋มหลอง เงินทองสัพพะ เจ้ายังมาละ หนีตาง
ดอกออนหยั่นย้อย ซ้อยล้อยสีจ๋าง อ้ายหนาวนอนคราง ขุนวางที่หั้น
(ก้องเกียรติ มหาอินทร์)

ลมหนาวสะท้าน เสียงหวานกล่อมขวัญ กึ๊ดหาคืนวัน ปี้จั๊นแนบข้าง
ตั๋วน้องบ่สม ระทมห่างร้าง อ้ายมาเมินหมาง จ๋างฮัก
แม้นเป๋นเศรษฐี เงินมีพร้อมพรัก อ้ายคงแน่นหนัก กว่านี้
ดอกออนกลีบไหว ปั๊ดไกว๋สี้หลี้ รออ้ายคนดี ตี้นี่ขุนวาง
(น้ำฟ้า)
Namfar
นักเขียน VIP
นักเขียน VIP
 
โพสต์: 499
ลงทะเบียนเมื่อ: พุธ 20 พ.ย. 2013 5:56 pm

Re: ค่าว (บทกวีล้านนา)..โดย น้ำฟ้า

โพสต์โดย ภาษาสยาม » อาทิตย์ 23 ก.พ. 2014 9:27 am

‘หมายังต้องเห่า ไก่ยังต้องขัน เหมือนหมู่เฮานั้น ต้องอู้เมืองได้
ป้อแม่เป๋นเมือง เลี้ยงลูกเป๋นไทย ผีต๋ายตี้ไหน สอนสูเขามา
มันเสียจ้าดเกิด กึ๊ดเถิดขวัญต๋า เป๋นคนล้านนา บ่ใจ้น่าอาย
เปลี่ยนกำกึ๊ดใหม่ ก่อนจะสูญหาย ก่อนจะวอดวาย สิ้นสายเผ่าพงศ์’

splanna.jpg
splanna.jpg (202.54 KiB) เปิดดู 18358 ครั้ง
บาดแผลเป็นสัญลักษณ์ของนักสู้
ภาพประจำตัวสมาชิก
ภาษาสยาม
Administrator
Administrator
 
โพสต์: 1145
ลงทะเบียนเมื่อ: อาทิตย์ 06 ก.ค. 2008 9:43 pm

Re: ค่าว (บทกวีล้านนา)..โดย น้ำฟ้า

โพสต์โดย ภาษาสยาม » พุธ 26 ก.พ. 2014 5:22 pm

สายต๋าหม่นมัว เนื้อตั๋วเหี่ยวย่น เมื่อล่วงเลยป๊น สู่ความชรา
แปร๋เปลี่ยนหมดสิ้น รูปร่างหน้าต๋า ผญาปั๋ญญา อ่อนล้าโฮยแฮง
เจ็ดสิบขวบเข้า เหมือนเตียนอ่อนแสง จะส่องจะแยง หม่นมัวเสี้ยงถ้าน
ป้อแม่แก่เฒ่า เสาหลักลูกหลาน ฮ่มไทรเฮือนจาน ปกปักถิ่นเหย้า
เป๋นตี้ปรึกษา สั่งสอนลูกเต้า กำปากกำเข้า ผ่อกอยดูแล
ล่วงเลยเวลา ผกผันเปลี่ยนแป๋ สัจจะเตี้ยงแต๊ สังขารเสื่อมคลาย
หมู่เฮาลูกหลาน บ่ดีหนีหาย ตึงญิงตึงจาย มั่นกตัญญู
บ่ดีบ่ายหน้า หลับต๋าปิดหู คอยส่องคอยดู ตอบแตนเต๊อะเจ้า
มันเป๋นผลดี เสริมศรีตั๋วเก่า บุญส่งเสริมเฮา ยั่งยืนก้าวหน้า
ป้ออุ๊ยแม่อุ๊ย ฮักดังแก้วต๋า ไอ้หล้าอี่หล้า สูลืมหรือยัง
ครั้นยังจดจ๋ำ ความแต่หนหลัง ผ่อกอยเปิ้นดัง เปิ้นยะเอาไว้
ความดีหนุนนำ จงจ๋ำใส่ใจ๋ พระคุณยิ่งใหญ่ เปิ้นเลี้ยงเฮามา
กิ๋นแหนงเมื่อลูน บ่ตันดอกหนา สิ้นเปิ้นขึ้นมา เอาคืนบ่ได้
อยู่กับเปิ้นเต๊อะ เปิ้นบ่มีไผ กอดแอวเปิ้นไว้ เหมือนเปิ้นเกยกอดเฮา

1904025_603288803082258_185840309_n.jpg
1904025_603288803082258_185840309_n.jpg (45.29 KiB) เปิดดู 11851 ครั้ง
บาดแผลเป็นสัญลักษณ์ของนักสู้
ภาพประจำตัวสมาชิก
ภาษาสยาม
Administrator
Administrator
 
โพสต์: 1145
ลงทะเบียนเมื่อ: อาทิตย์ 06 ก.ค. 2008 9:43 pm

Re: ค่าว (บทกวีล้านนา)..โดย น้ำฟ้า

โพสต์โดย Namfar » อาทิตย์ 02 มี.ค. 2014 10:25 am

มือก๋ำลูกบิด ยู้ปิดดังปั้ง! แล้วเตียวไปนั่ง เก้าอี้ข้างเตียง
แสงไฟสลัว ได้ยินก้าเสียง รถรากำเถียง โฉงเฉงข้างบ้าน
ย้อนกึ๊ดถึงถิ่น แผ่นดินเฮือนจาน ป้อแม่ลูกหลาน ตางบ้านล้านนา

ยามแลงค่ำลง เปิ้นคงอู้จ๋า จัดแจ๋งแต่งดา พร้อมหน้ากิ๋นเข้า
อิ่มแล้วนั่งแคร่ คนแก่บ้านเฮา เล่าเจี้ยบ่าเก่า หื้อลูกหลานฟัง
เดิกมาซ้อยล้อย ก้อยอู้ความหลัง จี้หีดฮ้องดัง บ่เต้าใจ๋เต้น

น้ำต๋าไหลย้อย ละห้อยแสนเข็ญ แล่งหันจั๋นเพ็ญ แล่งกึ๊ดถึงบ้าน
อยู่ในเมืองหลวง ยะเวียกยะก๋าร เป๋นเมินเป๋นนาน ปิ๊กบ้านเหียเตื้อ
ซักวันสมหวัง คืนรังเมืองเหนือ สุขคงเหลือเฟือ อุ่นเอื้อสัมพันธ์

DSC08229.JPG
DSC08229.JPG (349.2 KiB) เปิดดู 11843 ครั้ง
Namfar
นักเขียน VIP
นักเขียน VIP
 
โพสต์: 499
ลงทะเบียนเมื่อ: พุธ 20 พ.ย. 2013 5:56 pm

Re: ค่าว (บทกวีล้านนา)..โดย น้ำฟ้า

โพสต์โดย Namfar » จันทร์ 10 มี.ค. 2014 8:21 am

3930ec7deceb43678b2a8b49a26945be.jpg
3930ec7deceb43678b2a8b49a26945be.jpg (115.74 KiB) เปิดดู 11820 ครั้ง


ใจ๋กึ๊ดเติงหา ไฮ่นาป่าต๊าง ถนนหนตาง ห้างต้งป๋ายนา
อี่ป้ออี่แม่ ต๋ายายปู่ย่า อุ๊ยหม่อนลุงป้า ลูกหลานต๋านเต้า
เกยนั่งขี่ควาย ลู่กิ๋นยำเตา ผ่อเปิ้นทรงเจ้า กิ๋นเข้าหนุกงา

หล่อน้ำจิ๊กุ่ง ยับกุ้งในนา ไปเตียวแอ่วป่า เซาะเห็ดเซาะแมง
ได้เห็ดไข่ห่าน ก่อเอามาแก๋ง กิ๋นเจ๊าผดแลง หมดบ้าน
หน้าฮ้อนต๋ำส้ม ยกไปวางฮ้าน ลูกลูกหลานหลาน อิ่มหนำสำราญ

บ้านเฮามีสุข สนุกสนาน จะกิ๋นจะตาน จ้วยเหลือเกื้อกูล
ป๋าเวณีใหม่ ไปเอามาสูน ผ่อแล้วอาดูร ป๊อดเต๊าะ
มีดีอยู่แล้ว บ่ต้องมาเปาะ งามอยู่แล้วเลาะ จะไปเจื้อเขา

จะยะหื้อกลืน ลืนฮีตของเฮา ป๋าเวณีเก่า ฮากเหง้าเก๊าใจ๋
ความเป๋นล้านนา งดงามเพียงใด จะไปหื้อไผ แป๋งใส่เจื๋อป๋น
สอนความเจื้อเก่า ละอ่อนกู้คน ล่วงเลยผ่านป๊น ดอกผลสืบไป

ตึงงานยี่เป็ง เดือนจีปี๋ใหม่ ฮ่วมจิตฮ่วมใจ๋ ใส่เสื้อผ้าเมือง
ราคาก่อถูก บ่ใจ้ว่าเปื๋อง หมู่เฮาคนเมือง ต้องฮ่วมฮักษา
ไปแอ่วตางใด อู้กำล้านนา สืบฮีตผะหญา ปั๋ญญาแผ่นดิน
Namfar
นักเขียน VIP
นักเขียน VIP
 
โพสต์: 499
ลงทะเบียนเมื่อ: พุธ 20 พ.ย. 2013 5:56 pm

Re: ค่าว (บทกวีล้านนา)..โดย น้ำฟ้า

โพสต์โดย น้ำฟ้า » อาทิตย์ 16 มี.ค. 2014 8:13 pm

65903_433938980017242_1694450928_n.jpg
65903_433938980017242_1694450928_n.jpg (81.07 KiB) เปิดดู 11802 ครั้ง


ถึง น้องมอยคนงาม

หยังมาเจ็บอก จกไปถึงใจ๋ ในยามตี้ได้ ปะน้องคนงาม
ยามได้ยินเสียง ยามเมื่อน้องถาม เหมือนอี่นายซวาม ล้วงหัวใจ๋อ้าย
เกือบดิ้นก่างด่าง กระด้างเหมือนต๋าย ผ่อเต๊อะอี่นาย ใจ๋อ้ายมันสั่น
ยื่นมือมาหน้อย มาซวามผ่อมัน ก่อนตี้อ้ายนั้น ใจ๋จะหยุดเต้น
ไปฟั่งด่าอ้าย น้องใจ๋เย็นเย็น อ้ายคนตุ๊กเข็ญ ลอบเร้นผ่อเดือน
อ้ายคนขี้อาย บ่มีไผเหมือน ผ่อเต๊อะหมู่เปื้อน มีเมียกู้คน
บ่กล้าจีบไผ สาวเลยบ่สน ยกเว้นหน้ามน อ้ายทนบ่ได้
บ่หันหน้าเจ้า มันเศร้าใจ๋จาย จะต๋ายจะวาย ฮักอ้ายเต๊อะนาง

อ้ายปั๋นขี้ลม
ผู้หญิงธรรมดา..แต่ใจมันด้านชาผู้ชาย
ภาพประจำตัวสมาชิก
น้ำฟ้า
นักเขียนแห่งปี
นักเขียนแห่งปี
 
โพสต์: 886
ลงทะเบียนเมื่อ: ศุกร์ 11 ก.ค. 2008 10:19 am

Re: ค่าว (บทกวีล้านนา)..โดย น้ำฟ้า

โพสต์โดย น้ำฟ้า » อาทิตย์ 17 ส.ค. 2014 9:01 pm

Untitled1456.jpg
Untitled1456.jpg (185.89 KiB) เปิดดู 11578 ครั้ง


ภูมิปั๋ญญาเฮา บ่าเก่าเมินมา จารีตภาษา แบบแผน
ตั๋วเมืองกำเมือง ไผมาดูแควน เฮาควรหวงแหน ปกป้อง
ภาษาล้านนา มีค่ากว่าทอง บ่เกยเป๋นสอง รองไผ
นับเป๋นปันปี๋ ตี้หมู่เฮาใจ๊ หากสิ้นสูญไป เสี้ยงใจ๋ผญา
บรรพบุรุษ เปิ้นกึ๊ดสร้างมา แล้วเป๋นใดจา ฮักษาบ่ได้
ภาษาตั๋วเก่า เอาขว้างไปไหน สลิดอู้ไทย "พูดเมืองไม่จ้าง"
บ่มีไผจ้วย ถ้าเฮาละวาง ไปเอาแบบอย่าง คนอื่น
ภาษาล้านนา คงบ่ปิ๊กคืน ถ้าเฮายอมกลืน ต๋ามน้ำ
หยังมาใค่ขอ คนหล่อคนงาม หยังมาใค่ถาม แต๊แต๊
ภาษาแม่ป้อ สูหยังบ่แล ภาษาเก่าแก่ เมินล้ำ
แป๋งจิตแป๋งใจ๋ จ้วยแป๋งจ้วยทำ จ้วยกั๋นน้อมนำ เต๊อะเจ้า
เอากำล้านนา ของล้ำก้าเฮา ปิ๊กมาเหมือนเก่า บ่ดีลืมเลือน
ผู้หญิงธรรมดา..แต่ใจมันด้านชาผู้ชาย
ภาพประจำตัวสมาชิก
น้ำฟ้า
นักเขียนแห่งปี
นักเขียนแห่งปี
 
โพสต์: 886
ลงทะเบียนเมื่อ: ศุกร์ 11 ก.ค. 2008 10:19 am

Re: ค่าว (บทกวีล้านนา)..โดย น้ำฟ้า

โพสต์โดย น้ำฟ้า » เสาร์ 23 ส.ค. 2014 9:41 am

เกิบอุ๊ย

10624769_345509925600709_1322059243865048093_n.jpg
10624769_345509925600709_1322059243865048093_n.jpg (35.29 KiB) เปิดดู 11559 ครั้ง


ฟังเต้ดฟังธรรม น้อมนำจิตใจ๋ กิ๋นตานกั๋นไป ยะไว้ภายหน้า
ตุ๊เจ้าเต้ดจบ อุ๊ยก่อไหว้สา ขอเตวะดา จ๋ำหน้าจดบุญ
ก้มกราบพระเจ้า ขอหื้อเกื้อหนุน จ้วยก๊ำจ้วยจุน หื้ออุ๊ยอยู่ดี

โก่งโก๊ะโก่งโกย ลุกขึ้นจากตี้ แดดส่องผี้หลี้ ยามขวาย
มาถึงคันได หัวใจ๋จะวาย เกิบกี้บอุ๊ยหาย จากตี้
วางตี๋นคันใด วางไว้ดีดี จะใดบ่มี ตี้เก่า

ต้องเตียวปิ๊กบ้าน หน้าเศร้าหน้าเวา อุ๊ยเตียวตี๋นเป่า ย่ำใส่บ่าหิน
มือก๋ำสลุง ต๋าก้มผ่อดิน ตาเหลือกต๋าปลิ้น อารมณ์บ่าดี
ถ้าสูกึ๊ดได้ กลับใจ๋เสียที บ้านอุ๊ยอยู่นี่ เอาคืนมาเน้อ
ผู้หญิงธรรมดา..แต่ใจมันด้านชาผู้ชาย
ภาพประจำตัวสมาชิก
น้ำฟ้า
นักเขียนแห่งปี
นักเขียนแห่งปี
 
โพสต์: 886
ลงทะเบียนเมื่อ: ศุกร์ 11 ก.ค. 2008 10:19 am

Re: ค่าว (บทกวีล้านนา)..โดย น้ำฟ้า

โพสต์โดย น้ำฟ้า » จันทร์ 25 ส.ค. 2014 6:36 am

P0030.jpg
P0030.jpg (37.61 KiB) เปิดดู 11550 ครั้ง


มาปะคนดี แม่จี๋ดอกเอื้อง กลีบดอกสีเหลือง งามต๋า
เป๋นบุญยิ่งแล้ว ปี้แก้วได้มา แอ่วเมืองล้านนา แห่งนี้
อ้ายคนบ้านไก๋ ใจ๋ปอบ่ดี มาปะสาวจี๋ น่าฮัก
เป๋นไปได้ก่อ ขอมาฮู้จัก ใค่มาปักหลัก เมืองเหนือ
อ้ายบ่าวคนใต้ ใค่เป๋นหว่านเครือ ขอน้องจงเจื้อ ใจ๋อ้าย
ถ้าน้องฮับฮัก จะปักใจ๋จาย ฮักน้องจ๋นต๋าย คนงามล้านนา
ผู้หญิงธรรมดา..แต่ใจมันด้านชาผู้ชาย
ภาพประจำตัวสมาชิก
น้ำฟ้า
นักเขียนแห่งปี
นักเขียนแห่งปี
 
โพสต์: 886
ลงทะเบียนเมื่อ: ศุกร์ 11 ก.ค. 2008 10:19 am

Re: ค่าว (บทกวีล้านนา)..โดย น้ำฟ้า

โพสต์โดย น้ำฟ้า » พุธ 18 มี.ค. 2015 7:53 pm

78898.jpg
78898.jpg (255.08 KiB) เปิดดู 9787 ครั้ง


ล่วงสู่วันดี สะหรีปี๋ใหม่ ม่วนอกม่วนใจ๋ ตักบาตรทำบุญ
ดำหัวแม่ป้อ ตี้เปิ้นเกื้อหนุน รำลึกพระคุณ อุ่นใจ๋ถ้วนหน้า
ปี๋ใหม่เมืองเฮา คนเฒ่ากองหา ไผอยู่ไก๋ต๋า ปิ๊กมาเต๊อะเจ้า
ปีใหม่สุขสันต์ ม่วนงันบ่เหงา ปี้นายน้องเหน้า ต่างเฝ้ารอคอย
เมืองเหนือมีดี ตี้คนเปิ้นขอย ฮักษาไว้หน้อย ฮีตฮอยล้านนา
แต่งเนื้อแต่งตั๋ว เป๋นหน้าเป๋นต๋า นุ่งเสื้อห่มผ้า ต๋ามอย่างคนเมือง
ไปแอ่วปี๋ใหม่ จะไปหื้อเปื๋อง แต่งหื้อประเทือง ผญาปั๋ญญา
บ่ใส่เสื้อบาง จ๋นแตงแก่นต๋า เสื้อขาวนั้นหนา ละเว้นก่อได้
ยามเปิ้นหดน้ำ หันไปถึงไหน เกือบผ่อหันไส้ แล้วหนาอี่นาย
ไผเหลียวไปผ่อ ใจ๋ปอจะหาย ใส่เตี่ยวยั่วจาย เกือบหันก้นจุ้น
คอเสื้อก่อกว้าง ผ่ออย่างบ่าหนุน ใส่ไปทำบุญ ล่อพระล่อเจ้า
ฮีตฮอยของเดิม บ่เกยอายเขา มาถึงรุ่นเฮา จะไปหื้อเสี้ยง
สิ่งใดมันดี สูบ่ต้องเถียง ความดีกู้เคียง จากเวียงผดดอย
ผ่อไปตางใด จิตใจ๋บ่ถอย งดงามเลิศลอย วัฒนธรรม
ปี้น้องหมู่เฮา สูเขาจ๋งจ๋ำ ล้านนางามล้ำ น้อมนำสืบไป

ล่วงสู่วันดี สะหรีปี๋ใหม่ ม่วนอกม่วนใจ๋ ตักบาตรทำบุญ
ดำหัวแม่ป้อ ตี้เปิ้นเกื้อหนุน รำลึกพระคุณ อุ่นใจ๋ถ้วนหน้า
ปี๋ใหม่เมืองเฮา คนเฒ่ากองหา ไผอยู่ไก๋ต๋า ปิ๊กมาเต๊อะเจ้า
ปีใหม่สุขสันต์ ม่วนงันบ่เหงา ปี้นายน้องเหน้า ต่างเฝ้ารอคอย
เมืองเหนือมีดี ตี้คนเปิ้นขอย ฮักษาไว้หน้อย ฮีตฮอยล้านนา
แต่งเนื้อแต่งตั๋ว เป๋นหน้าเป๋นต๋า นุ่งเสื้อห่มผ้า ต๋ามอย่างคนเมือง
ไปแอ่วปี๋ใหม่ จะไปหื้อเปื๋อง แต่งหื้อประเทือง ผญาปั๋ญญา
บ่ใส่เสื้อบาง จ๋นแตงแก่นต๋า เสื้อขาวนั้นหนา ละเว้นก่อได้
ยามเปิ้นหดน้ำ หันไปถึงไหน เกือบผ่อหันไส้ แล้วหนาอี่นาย
ไผเหลียวไปผ่อ ใจ๋ปอจะหาย ใส่เตี่ยวยั่วจาย เกือบหันก้นจุ้น
คอเสื้อก่อกว้าง ผ่ออย่างบ่าหนุน ใส่ไปทำบุญ ล่อพระล่อเจ้า
ฮีตฮอยของเดิม บ่เกยอายเขา มาถึงรุ่นเฮา จะไปหื้อเสี้ยง
สิ่งใดมันดี สูบ่ต้องเถียง ความดีกู้เคียง จากเวียงผดดอย
ผ่อไปตางใด จิตใจ๋บ่ถอย งดงามเลิศลอย วัฒนธรรม
ปี้น้องหมู่เฮา สูเขาจ๋งจ๋ำ ล้านนางามล้ำ น้อมนำสืบไป
ผู้หญิงธรรมดา..แต่ใจมันด้านชาผู้ชาย
ภาพประจำตัวสมาชิก
น้ำฟ้า
นักเขียนแห่งปี
นักเขียนแห่งปี
 
โพสต์: 886
ลงทะเบียนเมื่อ: ศุกร์ 11 ก.ค. 2008 10:19 am

Re: ฝึกเขียนค่าว (บทกวีล้านนา)..โดย น้ำฟ้า

โพสต์โดย ภาษาสยาม » พฤหัสฯ. 29 ต.ค. 2015 3:30 pm

ครูบาอาจ๋ารย์ เมินนานมาแล้ว เพิ่นเป๋นดวงแก้ว พระศาสนา

คนเมืองบ่าเดี่ยว แต่งตั้งครูบา โดยบ่หันค่า ป๋าเวณีเดิม

ตุ๊หนุ่มบวชใหม่ หัวใจ๋เห่อเหิม ปากั๋นแต่งเติม ลาภยศ

อันคุณความดี ตี้มีปร๋ากฎ ก็ยังบ่ผด ยังบ่นักปอ

พระใหม่เทศน์เก่ง ก็เฮ่งแต๊หนอ จะใดบ่รอ ถ้าผ่อถ้ากอย

ครูบาบ่าเก่า ค่าสูงสุดสอย เปิ้นบวชแต่หน้อย ยันเป๋นตุ๊เฒ่า

หมู่มวลลูกศิษย์ กึ๊ดผิดสูเขา บ่ดีมัวเมา เอาก้าขายพระ

858585.jpg
858585.jpg (185.73 KiB) เปิดดู 7140 ครั้ง


หยังตี้บ่เหมาะ สูจะไปยะ คนเฒ่าเปิ้นต๊ะ เตือนไว้

สะเบิ้งสะเจิ้ง มันไปเปิงใด ต้องละหื้อได้ ลาภยศ

กำว่าครูบา ค่าจะบ่ลด หากบ่เคี้ยวคด ยะหื้อเหมาะสม

สืบเจ๋ตะนา อย่างน่าชื่นชม สองมือประณม กราบก้มด้วยใจ๋

กำว่าครูบา สูงค่ามอกใด ฮักษาเอาไว้ เต๊อะปี้น้องเฮา
บาดแผลเป็นสัญลักษณ์ของนักสู้
ภาพประจำตัวสมาชิก
ภาษาสยาม
Administrator
Administrator
 
โพสต์: 1145
ลงทะเบียนเมื่อ: อาทิตย์ 06 ก.ค. 2008 9:43 pm

Re: ฝึกเขียนค่าว (บทกวีล้านนา)..โดย น้ำฟ้า

โพสต์โดย ภาษาสยาม » อาทิตย์ 13 ธ.ค. 2015 11:46 am

1560719_680113732040101_378947743_n.jpg
1560719_680113732040101_378947743_n.jpg (91.78 KiB) เปิดดู 7122 ครั้ง

ภาพ : ศูนย์วัฒนธรรมเจียงใหม่

....ลมหนาวมาแล้ว โอ้แก้วแก่นต๋า ลูกหลานจากลา ละอุ๊ยอยู่บ้าน
ลมเย็นวอยวอย เสียงจ๊อยขับขาน ฟังไปเมินนาน กึ๊ดเติงหาเจ้า
มาแอ่วหาอุ๊ย พ่องเต๊อะสูเขา ละอ่อนบ้านเฮา ฮากเหง้าเฮามี
อุ๊ยเฝ้ากองหา ถ้ามาเป๋นปี๋ ใจ๋ปอบ่าดี ตุ๊กเศร้าเจ้นล้ำ...
บาดแผลเป็นสัญลักษณ์ของนักสู้
ภาพประจำตัวสมาชิก
ภาษาสยาม
Administrator
Administrator
 
โพสต์: 1145
ลงทะเบียนเมื่อ: อาทิตย์ 06 ก.ค. 2008 9:43 pm

ต่อไป

ย้อนกลับไปยัง บทกวี

ผู้ใช้งานขณะนี้

กำลังดูบอร์ดนี้: ไม่มีสมาชิก และ บุคคลทั่วไป 20 ท่าน

cron